222
REGISTRES DU BUREAU
[i563]
ville de Grace en Normandye, pour les raisons que vous sçavez -1', ne pouvant led. pays qui est entiere­ment desnué de tous vivres, porter ceste charge, à raison de quoy estant trés necessaire de les faire descendre et voicturier par eaue jusques en la ville de Caudebecq, où est dressée la principalle estappe de nostred, armée, nous avons bien voullu vous en rescripre la presente, par laquelle nous vous prions et neanmoings mandons et trés expressement en­joignons que, se presentans ceulx qui auront la con­duicte desd, bledz, vins et avoynes, pour les faire passer oultre et dessendre par dessoubz les pontz de nostred, ville de Paris, vous ne souffrez ne permectez qu'i leur soict faict, ne donné aucun empeschement ou destourbier, ains donnez ordre de les faire dili-genter et advancer au passaige desd, pontz et de leur faire faire tout l'ayde et secours que besoing sera, sans pour ce payer aucun tribut, imposition ou sub­side; et daventaige vous pryons trés instanment, trés chers et bien amez, de vouloir permectre et ordon­ner, sy besoing est, que de trois basteaulx l'un, qui viendront chargez de foing et d'avoine en nostred. Viile, soient admenez, conduictz et descenduz par ceulx à qui ilz appertiendront jusques au lieu où nous et nostre suytte ferons séjour au partement de cestuy, qui sera, comme nous esperons, en la ville de Mante, Gaillon et autres endroictz voisins de lad. riviere. Car, comme nous sommes bien advertiz, il n'y auroict ordre ausd, endroictz d'y pouvoir faire vivre sans ce secours les chevaulx de nostred, court et suytte ; et à ce, trés chers et bien amez, vous ne ferez faulte ou difficulté, sur tant que vous desirez de nous obeyr et complaire, car lel est nostre plaisir.
"Donné à Sainct Germain en Laye, le xve jour de May i563."
Signé : CHARLES,
Et au dessoubz : Bourdin.
Et à l'adresse desd, lettres est escript : A noz trés chers et bien amez les Prevost clés Marchans et Eschevins de nostre bonne ville et cillé de Paris.
Estat des bledz qui ont estez levez par commission du Roy pour la munition de son armée en Normandye qui doibvent passer par paris. En l'eslection de Meaulx. ...           n° muydz.
Chasteauthierry..........         vixx muydz.
Chaallons...............            c muydz.
Troyes.................            c muydz.
Melun.................            c muydz.
Nombre....... vnc xx muydz..
Avoynes esd. eslections.....           n° muydz.
Auxerre................ vc muydz de vin.
" Nous, commissaire general des vivres des armées du Roy soubzsigné, certiffions à tous qu'il apper­tiendra que nous avons donné charge à Françoys Martel, present porteur, voicturier par eaue, de me­ner et conduire dedans son basteau par la riviere de Seyne jusques à Vernon la quantité de quatre vingtz deux muydz de bled froment, dix huict muydz et demy mestail, et quatre muydz advoyne, mesure de Paris, pour subvenir à la nourriture desd, armées; sy prions et neanlmoings, en vertu du pouvoir à nous donné par Sa Majesté, mandons à tous gardes des pontz, portz, peaiges ou passaiges de ne faire et donner aucun empeschement, ou destourbier aud. Martel à la Voicture et conduicte desd, grains, ains le laisser passer franchement et librement partout où il appertiendra.
«Faict à Paris, le vingtiesme jour de May, l'an mil cinq cens soixante et troys, n
Signé : Ferey '2'.
Le xxie dud. moys, a esté expedié les congez pour passer led. bled aud. bastel François Martel.
"Je Jehan Ferey, seigneur de Durescu, conseiller du Roy, secretaire de ses finances et commissaire general des vivres de ses armées, certiffie à tous qu'il appartiendra qu'il a esté chargé en ung basteau ap­partenant à François Musnier, voicturier par eaue demourant à Poissi, la quantité de cinquante muys de bled et trente muys d'avoyne, led. bled prove-
O Dès la fin du mois d'avril, l'autorité royale se préoccupait d'assurer le ravitaillement do l'armée qui devait opérer contre le Havre. Dans une lettre du 25 avril, adressée à M. de Gonnor, Catherine de Médicis mentionne en ces termes les préparatifs faits en vue de cette expédition: «Quant aux vivres qu'il nous fauldra pour la nourriture de nostre armée de Normandie, j'ay envoyé Raconis par delà commencer à y pourveoir, et si en ay parlé à Durescu, qui se tient ja asseuré pour plus de deux cens muys de bled mesme de Paris; il cnvoyera le long de la riviere d'Oise, pour en recouvrer du costé de la Picardye, mais il leur fauldra quelque argent pour cela." (Lettres de Catherine de Médicis, t. II, p. 24.)
(2) Jean Ferey, s* de Durescu et de Fontaines, qui devint ambassadeur de France à Bruxelles, près la duchesse de Parme, fut, le 23 juin i566, chargé par Catherine de Médicis de surveiller les menées des capitaines gascons qui se rendaient aux Pays-Bas et de provoquer l'arrestation de tous séditieux. (Lettres de Catherine de Médicis, t. II, p. 267.)